Haluuuu tamangs!
Kalamareng malam Thomas ada datang di rumah, ada baku bawa deng Atey.
Ngoni tau, dia so gode. Napa depe foto.
Abis babacirita sadiki, kong torang tiga pigi makang di Mega Mall. Torang babacirita di sana sampe jam satu malam. Kita ada mo ralat kote. Thomas bukang di Adira Finance, ternyata dia kerja di Suzuki Finance Indonesia. Depe jabatan “Head Coll”. Jang tanya pa kita apa itu Head Coll, dari kita lei nintau. Ngoni tanya jo pa Thomas.
Waktu ada ba makang, torang ada babacirita tempo dulu. So samua mengenai ngoni torang so cirita akang. Nya rasa so jam satu. Torang so musti pulang. Samua so bakeluarga, so nimbole rupa dulu mo kongkow-kongkow sampe pagi. Depe eso siang Thomas bale ka Jakarta. Kembali ka depe keluarga.
Dapa inga tu pohong di muka Fakultas tampa torang jaga babacirita sambil makang ketoprak harga saribu so deng kokakola satu botol …..
Sambil babatunggu mo maso kuliah jam 3 …..
Sambil babatunggu tamang laeng mo baku bawa maso ruangan kuliah ….
Sambil baku-baku sedu ……
Sambil baku-baku gara …..
Mar ….
Tu pohong so nya ada ….
Tatinggal jo kenangan pa torang pe kapala ……
Agustus 27, 2006 pukul 11:03 am
Yaaaaa… so nda’ ada tu pohong mangga? Tu pohong duriang dang?
Agustus 28, 2006 pukul 1:07 am
Yoi, so nya ada tu pohong mangga.
Pohong durian di sabla mana do’ ?
Agustus 28, 2006 pukul 1:54 am
iyo no. Pohon mangga yang menyimpan semua kenangan.
Bahkan bagi torang yg di MAPALA, pohon mangga itu torang so anggap jadi tong pe sektretariat (Tampa baku dapa).
Oh…pohon mangga kenangan.
Agustus 30, 2006 pukul 5:40 am
tu pohong duriang masih di kobong pa fanny…..
kapan mo panen dang van…
pangee2 neh
cu
Eq W
Agustus 30, 2006 pukul 5:45 am
Hoiii Eki,
Ba isi kwa kamari. Mana ngana pe foto2 keluarga kwa. Upload kwa kamari. Ngana pe email dang? Tulis kwa kamari. Supaya torang bole mo sharing2 bagitu.
Oi to po’
Agustus 30, 2006 pukul 9:22 am
Hahhh…akhirnya Eq muncul juga.
Selamat ba gabung. Sepertinya torang so mulai rame ini…
September 2, 2006 pukul 1:16 pm
Va…setau kita dari dl nda ada puhon durian di kampus…. toolloong…kalo ada le betah torang bakumpul2 di kampus,(oi toh?…)
Eki….
mana foto2 ? Masak cm komentar sadiki2… Biar torang yang nun jauh di sini blh kbr2i…oi to Van?…
September 4, 2006 pukul 4:15 am
Halooooo
mo pohon durian atau mangga yang penting mana buahnya?? kirim ke bogor nehh, qta tunggu,
eh qta mo tahu kabar Audy Wuntu bagaimana?
nb. qta bisa buka blog setiap senin sebab senin hari libur gereja hehehe sorry ya kalo balas terlambat, sebab minggu masuk hari kerja….
September 9, 2006 pukul 3:35 pm
Waaah… Rocky, apa kbr pak pendeta…. Akhirnya kase comment jg…. Ada bae2 to ? Kalo kita blh buka internet di akhir mingu, maklum diskon…hehe…..
September 10, 2006 pukul 12:59 pm
Ado Rocky masa ngana pe teman bae si Audy ngana so baptis deng fam laeng..WUNTU nda doe…fam bagitu depe fam TIDAYOH,,, to so ingat broer…Rocky,,, biar so jadi pendeta jang baptis orang deng fam laeng…he..he..he jang marah nech..
Ta lia-lia ini alumni fakultas pertanian 91 so pada pelupa samua ….. so talalu banyak kerja..kah?
September 11, 2006 pukul 2:49 am
Kita stuju deng Eka. Tong pe angkatan rupanya so banya yang ja error. hihihi…
So sibuk urus keluarga, anak, karja, sagala rupa…
Untung jo ada ni Blog Bravo for Big (mar dia le so ERROR banya hihihi…) so talalu banya bahasa program pa depe kapala wakakakaka…..