Hallo Tamangs!
Kebetulan waktu kita ada ba jalang deng Eka, tong dua ada baku dapa deng tong pe tamang satu ini dia, “Argo Sangkay” dan keluarga.
Beliau sekarang so jadi Lurah di Kelurahan Tingkulu, Teling Atas. Pak Lurah anak satu ini so dapa lia gode no riki kita deng Eka pangling mo lia pa dia. Maklum kalu so jadi pejabat so musti bagitu no katu tamangs. Pak Lurah pe istri blum ganti, masih yang dulu.
Ayo, bagi tamangs yang blum ada KTP, bole beking KTP gratis di kelurahan Tingkulu. Wakakaka !! Bakuskedu katu.
Pak Lurah juga bilang suatu waktu dia mo bahoba pa tong pe blog ini dia kata. Ayo Pak Lurah, jang cuma jaga ba kerja bakti trus, sampe abis tu rumpu-rumpu muka ruma mo cabu akang. Wakakak ….!!!
