Banjir di Jakarta

 Kamis 01 februari 2007

11.00 waktu Manado: Lion Air membawaku dari Manado ke kota Jakarta

Sekitar jam 1 siang waktu Jakarta, tiba di bandara int’l Soekarno Hatta.

14.30  waktu Jakarta: Tiba di rumah kenalan, makan siang

Malam so talalu lalah… ndak sempat makan malam

21.00 : Ujang kraaaas…

Jumat 02 februari 2007

Pagi-pagi, aer so maso 1 meter dalam rumah… sampe sore tatambah sampe 1,5 meter… kong di luar so lebe dari 2 meter bro…

 Terpaksa lewat atap rumah birman, bawa kaluar barang penting, karna atik mo brangkat hari minggu meneruskan perjalanan. Hari Jumat itu, samua jalang taprop… Orang yang baru tiba di airport terpaksa  ndak bisa tumbus Jakarta, bagitu ley sebaliknya.

Maar, sama jo dengan waktu tiba di Jakarta hari kamis, thank’s God, kita dapa buka akang jalang waktu hari minggu tanggal 4 februari, mo brangkat… jalan ka airport mulus bro…

 

 

Salam dari Paris, VL

 

bagaya dulu hehehe…

 

Nuke ke Ungaran

Halo Tamangs,

Beberapa waktu lalu Nuke sempat ke Ungaran. Katanya sekarang dia so pinda di Puerto Rico alias Purwokerto. Waktu Aid datang cuma Eka yang dapa ole-ole do’e. Bagitu dang. Iyo jo dang.

Kalu ada tamangs yang jalan-jalan ke Purwokerto bole mampir pa Nuke pe ruma kata. Oi to Nuks?

Yodi lei kalamareng ada buka ini blog mar nyanda perna basuara kamari di sini. Bagimana Yod?

Jardin de Luxembourg

 

Hallo Tamang-tamang…

so brapa minggu agak sepi kang?

Ini taman depe nama “Jardin de Luxembourg”…

Salah satu sisi cantik di kota Paris. Di awal musim gugur ini, bulan oktober, depe suhu ndak talalu panas, ndak juga dingin. Jadi kalu cuaca cerah, matahari bersinar, banya orang dudu-dudu di taman, salah satunya taman yang cantik ini.

Maar torang nimbole tinggal lama-lama… karna jam stenga anam sore, tu sekuriti somo user suru pulang… ha ha ha…

Nimbole bagadang sampe malam…

Sun jao…

Vany

kabar terakhir… kita tiba di Paris tanggal 6 oktober. So sayonara Jepang…

Pdt. Rocky Samuel Karinda, SP, SSiTh

Hai tamangs,

Hari Sabtu, 30 September 2006, kita telepon pa Rocky. Kong dia datang di hotel pa kita. Ternyata depe model masi sama deng dulu. Bentuk fisik nyanda ada perubahan. Cuma skarang pake kacamata, maklum talalu banya ba baca kata.

Torang banyak bacirita sampe tenga malam. Ternyata Rocky sudah keliling-keliling Indonesia. Dia juga pernah jadi sukarelawan Tsunami kemaren. Pernah nae helikopter. Pernah tidur di tengah jalan di daerah gempa di Nias. De el el pokoknya. Mungkin nanti Rocky bisa share pengalamannya di sini. Gimana Rock?

Rocky and friends tempo doeloe

Karna Rocky kemaren berjanji akan mempostkan foto-foto terbarunya, maka mendahului itu kita mo persembahkan dulu foto Rocky yang kita kenal dulu. Ini dia bro!

Yang mana Rocky di sini? Sapa tu tamangs laeng? Ada yang bisa jawab?